Контакты
Карта

Молитва перед выходом из церкви

В руце Твоего превеликаго милосердия, о Боже мой, вручаю душу и тело мое, чувства и глаголы моя, советы и помышления моя, дела моя, и вся тела и души моея движения, вход и исход мой, веру и жительство мое, течение и кончину живота моего, день и час издыхания моего, преставление мое, упокоение и воскресение души и тела моего. Ты же, о премилосердне Боже, всего мира грехами непреодолеваемая Благосте и незлобливе Господи! мене, паче всех человеков грешнейшаго, прими в руце защищеиия Твоего, и избавь от всякаго зла: очисти многое множество беззаконий моих, подай исправление злому и окаянному моему житию, и от грядущих грехопадений лютых всегда восхищай мя, да ни в чемже когда прогневаю Твое человеколюбие, имже покрывай немощь мою от бесов, страстей и злых человеков, врагов видимых и невидимых, руководствуя мя спасенным путем, доведи к Тебе, пристанищу моему и желаний моих краю. Даруй ми кончину христианскую, непостыдную, мирную: от воздушных духов злобы соблюди: на страшнем Твоем Суде милостив рабу Твоему буди, и причти мя одесную благословенным Твоим овцам, да с ними Тебе, Творца моего, славлю во веки. Аминь.


Русская Православная Церковь
Николаевский Собор

Авторское право © 2012-2017.
Разработчик: Капитула Ян

Valid HTML 5
Правильный CSS!
Яндекс.Метрика