Контакты
Карта
Главная » Молитвы » Молитвы в скорбях, обстояниях и бедствиях

Молитва от гибели на войне. Равноапостольной первомученице Фекле

Тропарь, глас 4

Словесем Павловым научившися, Богоневестная Фекло, и верою утвердившися от Петра, Богозванная первомученица явилася еси и первострадальница в женах: возшла еси на пламень, яко на место благоцветущее, звери и юнцы устрашишася тебе, вооружися бо Крестом. Тем моли, всехвальная, Христа Бога спастися душам нашим.


Молитва

О святая угоднице Божия, равноапостольная первомученице Фекло! Подвигом добрым подвизавшися на земли, восприяла еси на Небесех венец правды, егоже уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтем святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.


Русская Православная Церковь
Николаевский Собор

Авторское право © 2012-2017.
Разработчик: Капитула Ян

Valid HTML 5
Правильный CSS!
Яндекс.Метрика