Контакты
Карта
Главная » Молитвы » Молитвы в других житейских нуждах

Молитва о путешествующих. Праведному Иосифу Обручнику

Молитва

ПОСЛЕДНИЕ ТЕМЫ ФОРУМА

Тропарь, глас 2

Благовествуй, Иосифе, Давиду чудеса Богоотцу, Деву видел еси рождшую, с пастырьми славословил еси, с волсви поклонился еси, Ангелом весть прием: моли Христа Бога спасти души наша.


Молитва

О святый праведный Иосифе! Ты, еще на земли сый, велие имея еси дерзновение к Сыну Божию, иже благоизволи именовати тя отца Своего, яко обрученика Своея Матере, и послушати тя; веруем, яко ныне с лики праведных во обителех Небесных водворяяся, услышан будеши во всяком твоем прошении к Богу и Спасителю нашему. Темже, ко твоему покрову и заступлению прибегающе, смиренно молим тя: якоже сам от бури сомнительных помышлений избавлен был еси, сице избави и нас, волнами смущения и страстей обуреваемых; якоже ограждал еси Всенепорочную Деву от клеветы человеческия, огради и нас такожде от всякия клеветы напрасныя; якоже хранил еси от всякаго вреда и озлобления воплотившагося Господа, сице сохраняй твоим заступлением Церковь Его Православную и всех нас от всякаго озлобления и вреда. Веси, святче Божий, яко и Сын Божий во днех плоти Своея в телесных потребах нужду имеяше, и ты послужил еси им: того ради молим тя, и нашим временным нуждам благопоспеши твоим ходатайством, подая нам вся благая, в житии сем потребная. Изряднее же просим тя, исходатайствуй нам оставление грехов прияти от нареченнаго ти Сына, Единороднаго же Сына Божия, Господа нашего Иисуса Христа, и достойны быти наследия Царства Небеснаги нас предстательством твоим сотвори, да и мы, в горних селениих с тобою водворяющеся, прославим Единаго Триипостаснаго Бога, Отца и Сына и Святаго Духа, ныне и во веки веков. Аминь.


Русская Православная Церковь
Николаевский Собор

Авторское право © 2012-2017.
Разработчик: Капитула Ян

Valid HTML 5
Правильный CSS!
Яндекс.Метрика