Контакты
Карта
Главная » Молитвы » Молитвы утренние

Молитва о живых

Спаси́, Господи, и поми́луй отца моего духо́внаго (имя), роди́телей моих (имена), сро́дников (имена), нача́льников, наста́вников, благоде́телей (имена) и всех правосла́вных христиан.


или читай вместо этой краткой молитвы:


Помяни, Господи Иисусе Христе, Боже наш, милости и щедроты Твоя от века сущия, ихже ради и вочеловечился еси, и распятие, и смерть, спасения ради право в Тя верующих претерпети изволил есй; и воскрес из мертвых, вознеслся еси на Небеса и седиши одесную Бога Отца, и призираеши на смиренныя мольбы всем сердцем призывающих Тя; приклони ухо Твое и услыши смиренное моление мене, непотребнаго раба Твоего, в воню благоухания духовнаго, Тебе за вся люди. Твоя приносящаго. И в первых помяни Церковь Твою Святую, Соборную и Апостольскую, юже снабдел еси честною Твоею Кровию, и утверди, и укрепи, и разшири, умножи, умири, и непреобориму адовыми враты во веки сохрани, раздирания Церквей утиши, шатания языческая угаси и ересей востания скоро разори и искорени, и в ничтоже силою Святаго Твоего Духа обрати.

(Поклон)

Спаси, Господи, и помилуй богохранимую страну нашу, власти и воинство ея, да тихое и безмолвное житие поживем во всяком благочестии и чистоте.

(Поклон)

Спаси, Господи, и помилуй Великаго Господина и Отца нашего Святейшаго Патриарха Кирилла, преосвященныя митрополиты, архиепископы и епископы православныя, иереи же и диаконы, и весь причет церковный, яже поставил еси пасти словесное Твое стадо, и молитвами их помилуй и спаси мя грешнаго.

(Поклон)

Спаси, Господи, и помилуй отца моего духовнаго (имя) и святыми его молитвами прости моя согрешения.

(Поклон)

Спаси, Господи, и помилуй родители моя (имена), братию и сестры, и сродники моя по плоти, и вся ближния рода моего, и други, и даруй им мирная Твоя и премирная благая.

(Поклон)

Спаси, Господи, и помилуй старцы и юныя, нищия и сироты, и вдовицы, и сущия в болезни и в печалех, бедах же и скорбех, обстояниих и пленениих, темницах же и заточениих, изряднее же в гонениих, Тебе ради и веры православныя, от язык безбожных, от отступник и от еретиков, сущия рабы Твоя, и помяни я, посети, укрепи, утеши и вскоре силою Твоею ослабу, свободу и избаву им подаждь.

(Поклон)

Спаси, Господи, и помилуй посланныя в службу, путешествующия отцы и братию нашу, и вся православныя Христианы.

(Поклон)

Спаси, Господи, и помилуй ихже аз безумием моим соблазних и от пути спасительнаго отвратих, к делом злым и неподобным приведох, Божественным Твоим промыслом к пути спасения паки возврати.

(Поклон)

Спаси, Господи, и помилуй ненавидящия и обидящия мя, и творящия ми напасти, и не остави их погибнути мене ради грешнаго.

(Поклон)

Отступившая от православныя веры и погибельными ересьми ослепленныя, светом Твоего познания просвети и Святей Твоей Апостольстей Соборней Церкви причти.

(Поклон)


Примечания

1 Слово «поклон», названия молитв и другие пояснения, не произноси.

Читая слово «поклон», совершай крестное знамение с поясным поклоном.


Русская Православная Церковь
Николаевский Собор

Авторское право © 2012-2017.
Разработчик: Капитула Ян

Valid HTML 5
Правильный CSS!
Яндекс.Метрика