Тропарь Благовещению Пресвятой Богородицы (глас 4)
(празднуется 25 марта / 7 апреля - н.ст.)
Днесь спасения нашего главизна, / и еже от века таинства явление: / Сын Божий Сын Девы бывает, / и Гавриил благодать благовествует, / тем же и мы с ним Богородице возопиим: / Радуйся, Благодатная, Господь с Тобою!
Тропарь Крестителям Мурома святым благоверным князьям Константину, Михаилу и Феодору (глас 4)
(память совершается 21 мая / 3 июня - н.ст.)
Константин днесь весело ликовствует, / предстоя престолу Святыя Троицы, / видя отечествие свое мастию духовною сияющее; / емуже последоваша Михаил и Феодор, сынове его, / и молятся вси трие вкупе о душах наших.
Тропарь святителю Василию, первому епископу и просветителю Мурома (глас 8)
(память совершается 21 июня / 4 июля - н.ст.)
Благочестно пожив во святительстве, / люди муромския святым Крещением просветил еси, / и храм Пречистыя Благовещения созда, / и обитель иноков собра. / Тем же, яко апостольского служения преемника / и первого своего святителя чтуще тя, молим, чада твоя, блаженне, - / от всех бед избави нас яже ко Христу молитвами твоими, / святителю Христов Василие, отче наш.
Тропарь преподобному Иулиану Муромскому (глас 5)
(память совершается 26 марта / 8 апреля - н.ст).
Отверг плоти тленная, / нетленная потщался еси постигнути, / вселился еси во обители, идеже многа лета Господеви работал. / Сего ради даром чудес и прозрения обогатился еси, отче наш Иулиане, / Господеви молися / нашу жизнь умирити и душам нашим в мире спастися.
Русская Православная Церковь
Николаевский Собор
Авторское право © 2012-2024.
Разработчик: Капитула Ян
